Davao City – Dugang pulis ang gibutang sa mga Quarantine Control Points ( QCP) ni Davao City Police Office City Director Police Col. Kirby John Kraft human gipailawom sa Modified Enhanced Community Quarantine ang syudad sa Davao.
Gibutyag ni Kraft, hugot nilang gipatuman ang mas-estriktong mga measures kontra COVID-19 tungod sa pagsutoy sa mga kaso.
Matud ni Kraft, sutaon sa matag pulis kung Authorized Person Outside Residences (APOR) ug essential ang lakaw sa mga tawo subay sa IATF guidelines ilawom sa MECQ status.
“Kami naman on the part ng DCPO ay ipapatutupad ang policy or guidelines na ibibigay po sa amin para ma-enforce po ang MECQ sa Davao City,” matud niini.
Mamahimong makasohan ang mga quarantine violators sa kalapasan sa RA 11332.
Nakig-alayon usab ang kapulisan sa mga barangay officials aron pagmonitor sa mga tawo kung hugot nituman sa health protocols ug walay mga mahitabong mass gatherings ug illegal activities.
Nanawagan si Kraft sa publiko, magpundo sa balay kung dili man lang essential ang lakwon ug tumanon ang mga minimum health standards isip pagtabang sa syudad nga mapaubos ang kaso sa COVID-19.
RadyoMaN Aimee Guinita
