CAUAYAN CITY – NILAGDAAN NI SONNY ANGARA, KALIHIM NG EDUKASYON AT MAY-AKDA NG ANTI-BULLYING ACT ANG MAS PINATIBAY NA IMPLEMENTING RULES AND REGULATIONS (IRR) NG BATAS KONTRA BULLYING SA LAHAT NG PAARALAN SA BANSA.
ANG HAKBANG NA ITO AY ALINSUNOD SA DIREKTIBA NI PANGULONG FERDINAND R. MARCOS JR. UPANG MASIGURO ANG LIGTAS AT INKLUSIBONG KAPALIGIRAN SA EDUKASYON.
KABILANG SA BAGONG IMPLEMENTING RULES AND REGULATIONS ANG MALINAW NA DEPINISYON NG IBA’T IBANG ANYO NG BULLYING, GAYA NG PISIKAL, EMOSYONAL, CYBERBULLYING, SOCIAL BULLYING, AT GENDER-BASED BULLYING.
LAYUNIN NITONG MABIGYAN NG MAS KONKRETONG BATAYAN ANG MGA PAARALAN SA PAGTUKOY AT PAGTUGON SA MGA KASO NG PANG-AAPI SA LOOB AT LABAS NG SILID-ARALAN.
AYON SA PANUNTUNAN, LAHAT NG PAMPUBLIKO AT PRIBADONG PAARALAN AY INAATASANG MAGPATUPAD NG STANDARD ANTI-BULLYING POLICY AT MAGLUNSAD NG MGA PROGRAMA UPANG MAIWASAN ANG BULLYING.
BINIGYANG-DIIN NG DEPED NA SA ILALIM NG BAGONG PILIPINAS, ANG MGA PAARALAN AY DAPAT MAGING LUGAR NG RESPETO, PAG-UNLAD, AT PANTAY-PANTAY NA OPORTUNIDAD PARA SA LAHAT NG MAG-AARAL.
SAMANTALA, SA NAGING PANAYAM NG IFM NEWS TEAM KAY JENNY GAMIAO, MAY ANAK NA ESTUDYANTE, ITO AY NARARAPAT LAMANG NA IPATUPAD DAHIL MISMONG ANAK NIYA ANG NAKARANAS NG BULLYING.
PANUORIN ANG KANYANG NAGING PAHAYAG: CLICK HERE!
TITIYAKIN NAMAN NG AHENSYA NA HINDI KUKUNSINTIHIN ANG ANUMANG URI NG TAKOT O DISKRIMINASYON SA LOOB NG MGA INSTITUSYONG PANG-EDUKASYON.
