Ha ginpakusog yana nga programa han Department of Interior and Local Government o kun DILG, an MASA MASID program o kun Mamamayang ayaw sa Anomalya at Mamamayang ayaw sa Illegal na Droga.
May paghisumpay hini, pwede na magreklamo ngan magreport an mga tawo bahin hiton nahinanabo ha ira barangay o sosyodad, mapa public official iton imo ginrereklamo, korapsyon, tawo nga nagamit hin illegal nga droga, nagbubuhat hin krimen ngan iba pa, pwede mo na ini hira mareport ngan kaangayan aksyunan han mga otoridad.
Sumala kan DILG Tacloban City Director Atty. Darwin Bibar, pinaagi han sistema han pagreport gamit iton social media o online, txt message, face to face communication ngan an mga igbubutang nga drop boxes ha kada barangay, madali ka na makakareport ngan makakareklamo.
Pero napuno hin pakiana tikang ha media ini nga drop box nga ipamumutang ha Brgy. Hall ha kada barangay kay bangin abusuhon ini han mga Brgy. Officials.
Mamutang iton mga constituents hiton ira mga ginrereklamo nga waray hinungdan, mababaw, ngan waray basehan.
Kada byernes iton pagkuha han technical working group han DILG hini drop box, diri basta basta kay ipapailarom pa ha validation an mga ginrereklamo.
Fiber glass ini nga drop box, mayada gamay nga buho nga susudlan hiton papel nga nakasobre hiton nagrereport ngan mayada ini kandado nga tinaglawas la hiton DILG an mag aabri hini.
Sagdon naman ha DILG, kun kinahanglan aksyon agad sugad hiton krimen, illegal na droga violent extrimism, ngan mga threats pwede magtxt ha Masa Masid txtline i-type la an MM space name of suspect space Location ngan space Discription han insidente kun ano an gibubuhat han suspek ngan isend ha 0920 900 0911 para ha Smart ngan TalkNtxt, para naman ha Globe 0977 808 0911.
An importansya hini nga MASA MASID, makapag report iton mga tawo ngan maaksyunan para hiton kahimyang han usa nga lugar o syudad.
Visayas, Tacloban, DYXY, DYXY991Tacloban, Unang radyo unang balita, Kasamang Jake Tatoy, DILG, MASA MASID, drop box
