Mutia, ZDN-Nagkurog nga nagpakitabang sa kapulisan si Darwinda Cayacay, 39 anyos usa ka massage therapist nga taga Brgy. San Miguel, Mutia.
Sumbong pa niya sa pulis nga gikulata siya sa iyang live-in partner nga si Mateo Omilig, 52, tungod sa ilang lalis.
Hinungdan sa lalis mao ang pagbaligya sa biktima sa ilang rice cooker nga gikasuko sa iyang gikauban, naka angkon kini ug bun-og sa iyang kalawasan.
Dali usab misibat si Mateo, human gihimong punching bag ang iyang gika-uban.
Didto kini misibat padulong sa dalang nasyunal sa Brgy. Pob. Mutia, kinsa nagpaabot ug de pasaherong sakyanan padulong dinhi sa dakbayan sa Dipolog.
Apan nadakpan kini human gikasa ang pursuit operation sa kapulisan sa Mutia sa pagpanguna ni PMSg Alnito E. Aya-ay.
Facebook Comments
