Davao City – Nagpatala sa Talomo police ang usa ka masahista human kulataha sa Hapon nga iyang home service customer.
Sa blotter sa Talomo PNP, mireklamo si alyas Michelle, 30 anyos, tungod kay human nga iyang maserbisyohi sa masahe ang customer nga hapon, mihangyo kini og extra service.
Nagsabot sila nga magcondom apan wala mosugot ang hapon hinungdan sa ilang panaglalis.
Kalit nga mikuha ang hapon ug floor map dayong gibunal sa kalawasan sa masahista kay wala maka uyon sa serbisyo.
Gawas nga gikulata wala pa gyud kumpletoha sa Hapon ang bayad sa pagmasahi nga usa ka libo ka pesos.
Maayo nalang kay nakasibat ang masahista pagawas sa balay sa Hapon sa Gulf View, Brgy. Bago Aplaya Davao City alas 9:00 sa kagabhion.
Gitambagan sa mga pulis ang masahista nga ireklamo sa barangay ang iyang customer nga Hapon human kining makakuha ug medical certificate sa Southern Philippines Medical Center (SPMC).
RadyoMaN Erin Lumosbog
