Sa interview sa DXDC RMN Davao kang NNC Davao Program Coordinator Dr. Maria Teresa Ungson, gibutyag niya nga ma-food poison ang usa ka tawo gikan sa hilaw nga mga pagkaon, mga pagkaong dili tabunan nga tugpaan sa mga insekto o maigo sa hugaw nga hangin nga duna’y dalang kagaw, ug gikan usab sa mga pagkaong wala gi-preserve og sakto tungod sa mali nga temperature control.
Dugang pa ni Ungson ilabi na karong panahon sa kalamidad nga dunay daghang tabang, sagad makuha ang pagkalanag sa masarsang pagkaon nga giluto sayo pa ug gihatag sa mga tawo pipila na ka oras ang milabay ilabi na sa mga evacuation centers nga hugaw ang palibot.
“Delikado ka diyan kasi nag-start na yung bacterial growth niyan. Kaya nga itago mo muna tsaka initin mo if you gonna eat it again. Kasi kung nandyan lang sa open, pwedeng magka-bacterial growth. And then pag hindi mo rin tinatakpan ang pagkain, nandyan yung mga fly, mga dumi sa hangin. So pwedeng mag-react ang system mo. So also be vigilant. Mahirap kasi tong ibang bacteria kasi matagal pa bago ka gagaling.”
Kahinumdoman nga misaka sa kapin 100 ka mga residente sagad mga bata ang gidala sa ospital human nakasinati og pagsakit sa tiyan, pagsuka ug pagkalibang sa Tandang Sora sa Esperanza, Agusan del Sur.
Una niini, dunay gihimong feeding program ang Philippine Red Cross (PRC) sa mga residente nga apektado sa pagbaha sa maong barangay, ug pila ka oras didto na sila nangalanag.
RadyoMaN Ivy Parido
