Naglab-ot na sa kapin sa 100 million pesos ang natuga nga kahalitan sang el Ninio Phenomenon sa livestock industry sa 10 ka mga banwa sa probinsya sang Iloilo.
Kalakip sa mga banwa nga malubha nga nahalitan ang livestock industry amo ang Lambunao, Janiuay, Cabatuan, Maasin, Sta. Barbara, Bingawan, Duenas, Igbaras, Miag-ao kag San Dionisio.
Samtang wala pa maka-sumiter sang damage report sa Provincial Veterinary Office ang 32 ka mga kabanwahanan lakip na ang Passi City.
Suno kay Dr. Darel Tabuada sang PVO-Iloilo pinakamalala nga nahalitan sang el ninio ang poultry industry ilabi na ang mga nagapangitlog nga manok.
Nahibaluan nga apektado ang pagpangitlog sang mga manok sang tuman ka init nga panahon resulta sang manubo nga kita sang mga poultry farmers.
Samtang may mga reports man nga nabaton ang PVO nga may mga baboy, kanding, karabaw kag baka ang nagkalamatay bangud sa heat stroke dala sang tuman ka init nga panahon.
