Masobra 25,000 4Ps nga mga benepisyaryo sa rehiyon dose ginkakas sang DSWD.

23

Nagalab-ot sa masobra 25,000 ka mga benepisyaryo sang Pantawid Pamilyang Pilipino Program ukon 4Ps sa rehiyon dose ang ginkakas sa listahan sang Department of Social Welfare and Development o DSWD 12.
Suno pa ini ang resulta sang mas ginpahugtan pa nga pagpatuman sang Pantawid Pamilyang Pilipino Program sang ahensya.
Ginpahayag ni DSWD 12 Regional Director Cezario Joel Espejo pinakamadamo sa nakakas nga naglab-ot sa masobra 14,000 ang nadiskubrihan nga wala sang mga bata nga yara sa zero tubtob 18 years old nga isa sa mga kondisyon sa nasambit nga anti-poverty program.
Samtang yara naman sa 6,322 ang ginkakas sa listahan tungod indi na makit-an matapos nga nagsaylo sang lugar nga wala naglisensya sa ila mga barangay officials.
Yara naman sa 1,031 ang ginkakas sa 4Ps tungod imbolbado sa anomalya, 396 naman ang mga nagdoble ang pangalan kag duha naman ang kumpirmado nga indi lakip sa mga pigado nga sektor.
Pahayag pa ni RD Espejo nga mas nga ginpabakod sang DSWD 12 ang pagsunod sa ila mga guidelinea para masiguro nga ang mga kwalipikado gid ang malakip sa mga 4ps beneficiary.
May-angot sini, sa pagkakas sa nasambit nga numero sang mga benepisyaryo sang 4PS may-yara sang tion ang mga kwalipikado nga pamilya nga malakip sa programa.
Sa subong may 244,427 ka mga 4Ps beneficiary sa rehiyon ang makabenepisyo sang ginpain nga pondo sang ahensya subong nga tuig sa nasambit nga programa nga nagalab-ot sa P5.9 billion.

Facebook Comments