Naglab-ot sa 496 ka pamilya ang nagbakwit sa isla sang panay sa pagpanalasa sang bagyo Urduja sini nga weekend.
Sa Press conference kahapon sang hapon, ginpahayag ni Jose Roberto Nuñez, chairman sang Regional Disaster risk reduction Management council Region 6 nga sa karon may yara sang 496 ka pamilya nga ginabug-usan sang 2, 190 ka mga indibidwal ang apektado sang bagyo sa rehiyon.
Sa 496 ka pamilya, 236 sa mga ini ang nag-evacuate gikan sa probinsya sang capiz samtang 20 ka pamilya naman ang nagbakwit sa Tambaliza island sa Concepcion.
Kapin man sa 295 ka pamilya ang apektado sa antique, 174 sa banwa sang Concepcion, kag 27 sa Aklan.
Suno kay nuñez nga ang mga banwa sang Dumalag, Sigma, Maayon, pan-ay kag siyudad snag Roxas ang ginbaha bangud sa mabaskog nga ulan.
subong man, ginpasiguro sini nga ang tan an nga National kag Provincial roads ang normal na sa karon kag mahimo maagyan.
Iya pa gindugang nga sa karon, wala pa sila sang nabataon nga may casualty sa rehiyon tuga sang bagyo Urduja.
