Bacolod City, Negros Occidental – Kapin 568 ka mga menor de edad ang na-rescue sang napulo tanan ka mga police stations sang Bacolod City Police Office sa bulan pa lang sang Enero 2018.
Ini may kaangtanan sa pagbayolar sang mga menor de edad sa curfew for minors.
Suno kay PCSO Officer-in-Charge, City Police Director S/Supt. Francisco Ebreo, nga ini ang resulta sang halos 192 ka mga operasyon nga ginpatigayon sang Women and Children Protection Desk nga nagresulta sa pagkadakup sang hapin 570 ka mga minors.
Nagkaladakpan ang mga ini nga nagalagaw pa sa sa dalaon humalin las-diyes sang gab-i tubtob las-kwatro sang kaagahon.
Angut sini, gin-aku ni Ebreo nga sulit-sulit nila nga nagakadakpan ang mga menor de edad bangud wala man sang penalidad ang city ordinance angut sa curfew for minors. – RCSG / iFM News / First published by RMN DYHB Bacolod
