Naglab-ot sa masobra 60 ka mga pamalay ang ginlamon sang kalayo sa nagluntad nga sunog pasado alas 4 kaina sang hapon sa Barangay Benedicto, Jaro.
Madasig nga naglapta kag nagdaku ang kalayo bangud lunsay mga nahuman sa light materials ang mga pamalay nga nasunog.
Base sa initial nga imbestigasyon sang Bureau of Fire Protection, naghalin ang kalayo sa balay ni Reynaldo Ledesma alyas Tugak.
Padayon pa nga gina-imbestigahan sang BFP ang nasambit nga sunog kag kon pila ang kabug-usan nga balor sang natuga sini nga kahalitan.,
Sa karon, yara temporaryo nga ginpahamtang sa Jaro Covered Gym bilang evacuation Center ang mga nabiktima sang sunog.
Gilayon man nga nagresponder ang siyudad agud mahatagan sang nagakaigo nga bulig ang mga biktima kag nagpalab-ot man sang bulig ang dalagku nga mga grupo sang negosyante sa siyudad.
Padayon mnan nga nagapanawagan sang bulig ang mga barangay officials para sa fire victims kon sa diin kinahanglanon ang mga pagkaon, panapton, mga kinahanglan sa pagtulog kag pagluto.
