Naglab-ot sa masobra 800,000 pesos nga balor sang ginapatihan shabu ang narecover sang mga otoridad gikan sa duha ka subject sang buy bust operation mga alas 2:40 kaina sang hapon (Agosto 16) sa Phase 1 Deca 3 Hibao-an, Pavia, Iloilo.
Ginhiwat sang gintingub nga puwersa sang Regional Drug Enforcement unit ukon RDEU 6 kag Pavia PNP ang buy bust operation batuk sa mga subject nga sanday Janry Napat, 35 anyos sang barangay Solido, Nabas, Aklan kag si Edwin Balinas, 46 anyos sang Zone 4, Barangay Poblacion, Sta. Barbara, Iloilo.
Narecover sa suha ang 18 ka dalagku nga sachet sang suspected shabu kag 12,500 pesos nga buy bust money.
Ginabanta nga nagalab-ot sa 804,500 pesos ang bili sang narecover nga shabu gikan kanday Napat kag Balinas.
Sa karon priso sa Pavia police Station ang mga subject kag nagapangatubang sang kaso nga paglapas sa RA 9165 ukon dangerous Drugs Act of 2002.
