Naglab-ot sa masobra duha ka libo nga kaso sang mga nagkalain-lain nga pagpang-abuso sa mga Overseas Filipino Workers ukon OFWs ang napalab-ot sa pamunuan sang Overseas Workers Welfare Administration ukon OWWA 12 sang nagligad nga tuig.
Suno kay OWWA 12 Officer in Charge Kristine Marie Sison kadam-an sa mga klase sang pagpang-abuso sa mga OFWs ang maltreatment, under payment of salary kag bridge of contract.
Nagakatabo suno pa ang nasambit nga pagpang-abuso sa mga OFWs ang sa mga pungsod sa middle east kapareho sang kingdom of Saudi Arabia kag Kuwait.
Ginsiguro naman ni Sison nga gilayon nila nga ginaaksyunan ang ginasang-at nga reklamo sang pamilya sang mga OFW paagi sa pagcoordinate sa Philippine Overseas Labor Offices sa iban nga pungsod
Samtang padayon nga ginaawhag ni Sison ang pamilya sang mga OFW nga kon may problema ang himata sa iban nga pungsod ang gilayon nga magreport sa ila nga talatapan agud nga mahatagan sang nagakaigo nga aksyon.
