Masobra duha ka libo nga mga OFW`s kag dependents sini nakabaton sang calamity cash relief assistance halin sa OWWA 12.

47

Nakabaton sang calamity cash relief assistance ang yara sa 2,095 ka mga Overseas Filipino Workers (OFWs) kag mga dependents sini halin sa Overseas Workers Welfare Administration sa idalom sang Welfare Assistance Program –calamity category sang ahensya.
Samtang ang mga benepisyaryo ang halin sa mga nagkalain-lain nga mga barangay sang Kidapawan City.
Nagalab-ot naman sa Four Million Eight Hundred Thousand pesos (Php 4,812,000.00) ang kabug-usan nga kantidad nga narelease sang ahensya.
Ginpahayag ni OWWA 12 Regional Director Marilou M. Sumalinog nga naapektuhan ng pagrelease sang nasambit nga ayuda tungod sa CoVid – 19 pandemic.
Suno sa iya daku suno pa ang mabulig sang nasambit nga cash relief assistance sa mga OFWs kag sa ila mga pamilya ilabi na sa subong nga panahon.
Ang mga Overseas Filipino Workers ukon ang mga family members nga may active OWWA membership status ang nakabaton sang P3, 000.00 cash relief assistance kag P 1, 500.00 naman sa non-active OWWA members.
Magluwas sa nasambit nga mga benepisyaryo may nakaschedule man sila nga release sa iban pa nga lugar sa bulig naman sang Public OFW Desk Office (PODO) nga personal nga mag-award sang cash relief assistance sa mga apektado nga OFWs kag mga beneficiaries sini.
Istrikto naman suno pa nga ginapatuman sang ahensya ang safety protocols kapareho sa pagsuksok sang face mask kag dis-infect bag-o magsulod sa venue kadungan sang release sa diin ang mga OFWs kag mga beneficiaries.
Samtang nagala nagalab-ot na sa P14, 422,000.00 sa 7, 391 Overseas Filipino Workers (OFWs) kag beneficiaries sa pito ka mga banwa sa North Cotabato umpisa sang November 2019.
Madumduman nga ang kabug-usan nga probinsya sang North Cotabato ang malala nga naapektuhan sang mabaskog nga linog sang ulihi nga quarter sang 2019.
Apang sa 18 ka mga lugar, 7 ka mga banwa ang naidentify sang ahensya nga malala nga naapektuhan sang linog nga amo ang Kidapawan Mlang, Arakan, Makilala, Tulunan, Magpet kag President Roxas.

Facebook Comments