MASOBRA ISA KA GATOS, ARESTADO SA PAGBAYOLAR SANG CURFEW SA DISTRITO SANG MOLO

Masobra isa ka gatos ka mga nagbayolar sang curfew ang nadakpan sang kapulisan sa distrito sang Molo kagab-i (Marso 26).
Ginpangdakop sang mga pulis sa nagkalain-lain nga barangay sa distrito sang Molo ang mga violators kag gintipon sa Molo public plaza.
Nahibaluan n ga hugot nga ginapatuman sang kapulisan ang curfew sa siyudad humalin alas 8 sa gab-i tubtub alas 5 sang kaagahon bilang kabahin sang enhanced community quarantine agud malikawan ang coronavirus disease ukon covid-19.
Subong man, madamo sa gihapon ang nagalapas kag nagalinagaw apesar sang ginapatuman nga curfew.
Suno kay ICPO director Col. Eric Dampal nga dapat yara na sa sulod sang ila mga puluy-an ang mga tawo pagsugod sang curfew hours.
Suno kay Dampal nga sang nakaligad nga gab-i , madamo man sila snag nadakpan nga violators apang masa madamo pa gid ang ila nadakpan sa distrito sang molo nga naglab-ot sa masobra isa ka gatus.
Suno kay Dampal nga ginkuhaan sang data ang mga violators kag ginrecord sang kapulisan antis ginpapuli kag pagakasuhan na ang mga ini sa tion madakpanm liwat nga nagalapas sa curfew.

Facebook Comments