Masobra P130, 000.00 nga kantidad sang shabu nakumpiskar sa drug operation sa Tampakan South Cotabato.

Nagalab-ot sa P136, 000.00 nga kantidad sang shabu ang nakumpiskar sa ginpatigayon nga drug operation sang Philippine Drug Enforcement Agency (PDEA 12) pasado alas 5: 00 sang hapon sa Barangay Poblacion, Tampakan, South Cotabato.
Apang wala naman sa iya puluy-an ang target sang search warrant implementation nga ginkilala kay Kimberth Rivera Hambala, high value target drug personality, residente sang Purok San Isidro 2, Brgy. Poblacion sang nasambit nga banwa.
Nakuha naman sa puluy-an sang suspek ang 1 ka heat-sealed transparent plastic sang ginasuspetsahan shabu nga may kabug-aton nga more or less twenty (20) grams nga nagakantidad sang P136,000.00 , 6 ka open transparent plastic sachets nga nagamit na ang unod sini, 1 ka surgical scissors, 2 ka improvised disposable lighters with needle, 1 ka roll aluminium foil kag 1 ka empty transparent plastic sachet.
Kaso naman nga pagbayolar sa Section 11 (Possession of Illegal Drugs) kag Section 12 (Possession of Drug Paraphernalia), sang Article II of Republic Act 9165 ukon The Comprehensive Dangerous Drugs Act of 2002 ang ipasaka batok sa suspek nga at- large.

Facebook Comments