Roxas City, Capiz – Naharang sang gintingub nga pwersa sang Bureau of Customs-Ninoy Aquino International Airport (BOC-NAIA), Philippine Drug Enforcement Agency (PDEA) kag NAIA Inter-Agency Drug Interdiction Task Group (NAIA-IADITG) ang duha ka indibidwal nga nagbaton sang parcel nga naga- unod sang 8.2 milyon pesos nga balor sang high-grade marijuana.
Nakilala ang mga nadakpan nga amu sanday Van Joshua Magpantay kag Johnyengle Hernandez nga nadakop sa sulod sang isa ka vape shop sa Lipa City, Batangas matapos nga batunon ang nasambitan nga padala nga may unod nga duha ka vacuum sealed transparent plastic nga may 5,129 gramo sang high-grade marijuana.
Sa ginpaguha nga report sang BOC, nag-abot ang parcel paagi sa FedEx sa Pasay City kag ini ang halin sa isa ka Nina Manual nga residente sang California, USA.
