i Balita
August 10, 2019
(Photo from web)
MASOBRA SA 2 MILYUNES PESOS NGA CASH NATIGAYUN NGA MA- RECOVER SANG MGA KAPULISAN MATAPOS GINTABAN SANG SUSPEK SA ISLA SANG BORACAY
Natigayun nga mabalik sa tag-iya ang masobra sa 2 million pesos nga cash nga gintaban sang suspek nga lalake nga anay empleyado man sini.
Ginkilala ang suspek nga si Leandro Sarito, 24 anyos sang Odiongan, Romblon anay empleyado sang wala na magpakilala nga Korean Business woman nga tag-iya sang Golden Moon Foreign Exchange Services Money Changer sa Sitio Manggayad, Brgy Balabag, Malay, Isla sang Boracay.
Nadula ang bag sang nagligad nga Agosto 7 rason nga ginreport ini sang tag-iya sa Malay Police Station sa nasambit nga Isla.
Na- identify ang suspek matapos nga gin-review ang CCTV kon sa diin gilayun nga nagpatigayun sang hot pursuit operation ang mga kapulisan sa pagpanguna ni Police Capt. Dexter Brigido.
Nadakpan ang suspek sa sulod sang iya boarding house sa Sitio Hagdan, Barangay Yapak, Boracay alas- 2 kahapon sang kaagahon Agosto 9.
Narekober man ang kwarta nga naglab-ot sa P2,399,000, 1 ka color red empty cash box, Bank Check Book kag Pass Book sa sulod sang itum nga backpack apang sang gin- inbentaryo kulang na sang P301,000 ang kwarta.
Detain subong si Sarito sa Malay Police Station samtang ginapreparar na ang pagpasaka sang kaso batok sa iya.
Via Pol. Maj. Jess Baylon/ Malay Municipal Police Station
