Masobra sa 8,000 job vacancies itanyag sa patigayunon nga Kalayaan 2019 Trabaho Negosyo, Kabuhayan Job and Business Fairs.

19

Nagalab-ot sa 8,261 local kag overseas job vacancies ang itanyag sang mga kumpanya sa rehiyon sa patigayunon nga Trabaho Negosyo, Kabuhayan Job and Business Fairs sang Department of Labor and Employment ukon Dole 12 sa selebrasyon sang Indendepence Day sa Hunyo 12 subong nga tuig.
Suno kay Department of Labor and Employment ukon Dole 12 Regional Director Sisinio Cano sa nasambit nga job vacancies yara sa kapin sa 5,472 ang local nga lunsay yara sa plantation, manufacturing kag iban pa, samtang sa overseas yara sa 2,789 ang itanyag nga nagakinahanglan sang skilled workers.
May-angot sini, ginahangkat naman ang mga aplikante nga gamiton ang QR Code sa pre-registration ukon magparegister via –online agud malikawan ang malaba nga pila sa registration period.
Kadungan sang TNK magarelease man ang Dole 12 sang livelihood checks sa mga naidentify nga beneficiaries sini.
Samtang kadungan sang Kalayaan 2019 TNK irelease man ang 40 percent nga sweldo sang pipila ka mga SPES beneficiaries, magapatigayon man sang pre-employment documentation ang mga partner agencies sang DOLE kapareho sang Pag-ibig, Philhealth, SSS, PSA kag iban pa.
Magafacilitate man ang DTI upod na ang OWWA sang Negosyo Center Booth kag learning sessions sa mga OFW`s kag ang TESDA 12 ang magapatigayon man sang Skills Demo kag free services kapareho sang haircut, massage, manicure/pedicure kag bartending.

Facebook Comments

From Advertisers