Naglambot sa 4,443 ka mga Ilonggo ang nahatagan sang brief tobacco interventions ukon BTI sang Iloilo city health office paagi sa cessation clinic kag mga health centers sugod sadtong 2018.
Ginalakipan ini sang 3,292 ka lalaki kag 1,151 ka mga kababaehan.
Suno kay city health officer Dr. Bernard Caspe, sa ti-on nga magpakonsulta sa ila ang mga smokers ginahatagan dayun nila ini sang counselling kag ginapahibalo ang malain nga halit sang pagpanigarilyo.
Sa 1,408 nga nag-untat sa pagpanigarilyo, may 384 nga nagbalik sa sigarilyo.
Pahayag ni Caspe ang pag-untat sa pagpanigarilyo nagakinahanglan sang mabakod kagustuhan.
Makabulig gid kun magpalayo sa grupo nga nagapanigarilyo kag importante man ang suporta sang pamilya.
Sa mga gusto magbiya sa sigarilyo nagapabilin nga bukas ang cessation clinic sang syudad sa 2nd floor sang Iloilo city hall.// via Joel Franco
Photo from web
