COVID-19 Mass testing, naisayangkat iti siudad ti Laoag

iFM Laoag- Naisayangkat ti libre a mass testing iti tiendaan iti siudad ti Laoag (Laoag City Public Market and Commercial Complex) kabayatan ti pannakaimplementar ti Localized Modified Community Quarantine. Naipadalan ti RT-PCR test dagiti empleado, aglaklako, helpers ken dagiti indibidual a napnapan iti tiendaan kadagiti napalabas nga aldaw nga umabot ti 528 a bilang. Naikkan pay gundaway dagiti walk-in karamanna dagiti addaan ti comorbities kas kuma iti hypertension, diabetes ken dadduma pay a chronic diseases.

Daytoy nga aktibidad ket paset paylaeng ti kampanya iti siudad ti Laoag gapu iti agtultuloy a panangngato ti bilang dagiti CoVid19 cases, saan laeng nga iti tiendaan nu di ketdi pati dagiti apektado a barangays.

Manamnama a maituloy ti mass testing intono Disiembre 2, 2020, mierkoles, iti metlaeng ruar ti tiendaan ngem ad adun ton a tents ti maipatakder ken maakomodar nga indibidual.


Maipalagip a gagem ni Laoag City Mayor Michael Marcos Keon a maipadalan ti test dagiti isuamin a taga siudad ti Laoag tapnon intono kaaldawan ti paskua ket awanen ti kaso iti sakit ken tapnon mailift metlaeng a mabiit a panawen iti MECQ. #iBalita -Joe Anne Agustin, RMN News

Facebook Comments