*General Santos City— Giklaro ni DOH 12 OIC Assistance Regional Director Dr. Fatima Emban nga ang mga lugar lang nga gina-rekomenda nga magpahigayon ug mass testing mao ang mga lugar nga adunay natala nga local transmission.*
*Saysay niya nga sa karon adunay mga rapid test nga naga-abot sa rehiyon apan dili kini para sa mass testing kundili para sa research purposes rason nga dili tanang lgu ang nakadawat.*
*Sumala niya nga dako-dakong kantidad gyud ang gikinahanglan higayon nga magpahigayon ug mass testing sulod sa rehiyon rason nga sa karon dili pa nila kini ginakonsidera bisan pa man daghan ang mga nanawagan niini.*
*Dugang pamahayag ni Dr. Emban nga nakatakda ng gamiton ang Cotabato Regional And Medical Center isip testing facility para sa rehiyon 12 human nga misurender ang Southern Philippines Medical Center kon SPMC sa syudad sa davao kung asa dili na matud pa nila ma-cater ang tibuok isla sa Mindanao.*
*Nauna na matud pang namalit ug Cartridge ang rehiyon 12 isip preparasyon sa pag-operate niini isip testing facility, apan nauna ng nagpadala ug dugang cartridges ang DOH12 sa SPMC kung asa mukbat sa 600 ka mnga specimen ang kaya niining ma-test.*
*Gawas sa Cotabato Regional And Medical Center, ginahikay na karon ang mga dugang requirements sa Pinggoy Hospital ug SOCCSKSARGEN Medical Hospital isip dugang testing facility ingon man ang Dr. Jorge P Royeca Hospital.*
