Roxas City, Capiz – Ginhenyo ni Mr. Essex Quintia, provincial chairman sang PDP-Laban sa Capiz ang pagpaidalom kay Capiz Governor Tony del Rosario sa preventive suspension samtang ini ang gina-imbestigaran sang Office of the President sa panumbungon nga iya ginpasaka.
Suno pa kay Quintia nga nagbayolar ang gobernador sa memorandum circular number 06 series of 2016 matapos nga ini ang nagahampang sang casino sa Resorts World and Solaire Casino kag nakit-an man sa bulangan sa Resorts World Cockpit.
Ang nasambit nga memorandum ang hugot nga nagabawal sa mga public official sa pagpadulong sa casino.
Base sa complaint affidavit ni Quintia nga nagakabuhi sang “lavish” okun magarbo nga sahe sang pagpangabuhi si del Rosario nga wala nagasanto sa income sini bilang anay congressman kag incumbent governor.
Kun mahibalo-an nga gin-ako sadto anay ni del Rosario nga ini ang nagabulang antes pa man siya ang nagsulod sa pulitika.
Ang nasambitan nga panibag-o nga kaso ang ikaduha na nga ginpasaka ni Quintia kontra kay del Rosario.
photo © CANC
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
