Arestado ang isa ka mataas nga lider sang CPP-NPA nga nagpanguna sa pagsuLod sa Maasin Police station pila ka tuig na ang nakaligad.
Sa gahum sang warrant of arrest sa kaso nga rebellion nga gin-isyu sang RTC branch 20 sa Mambusao, Capiz nga napetsahan October 19, 2017, gin-aresto sang gintingub nga puwersa sang Janiuay PNP kag militar si Carma John Suarez alyas Ka Fred nga nagagamit pa gid sang ngalan nga Joseph Pinuela kag alyas nga Ka Dennis; 34 anyos sang Barangay Cuto, Lambunao, Iloilo kag may address pa gid nga barangay Cunaynay, Sta. Barbara, loilo.
Suno kay Police Captain Dadjie de Lima, hepe sang Janiuay PNP nga ila ginserbehan sang warrant of arrest ang nasambit nga rebelde sa Armada St., Barangay Aquino-Nobleza West sang Domingo sang gab-i kag kahapon sang udto ginserbehan pa gid ini sang isa pa ka warrant of arrest sa kaso man nga rebellion nga may bailbond nga 200,000 pesos.
