Quezon City – Pinaghahanap na ng pulisya ang mga dalawang suspek na nakapatay sa isa nilang kainuman sa isang bar sa Montreal Street, Brgy. E. Rodriguez, Cubao, Quezon City.
Kitang-kita sa CCTV ang ginawang pambubugbog ng mga hindi pa nakikilalang suspek sa kanilang kasamahan kung saan hindi pa sila nakuntento ay sinaksak pa nila ito.
Kwento ng katiwala ng bar na si Lea Gayetano, unang nagtalo ang mga suspek at ang hindi pa din nakikilalang bitkima na pawang magkakakilala pero nagulat na lamang siya ng mauwi sila sa suntukan.
Ayon naman kay Supt. Luis Benjamin tremor ng QCPD station-7, pawang mga matadero ang tatlo dahil mayroon silang mga bitbit na kutsilyo sa tagiliran pero iknadismaya niya ang hindi agad pagtawag sa mga pulis na nasa kabilang kanto lamang.
Sa ngayon, inaalam pa ang pagkakakilanlan ng biktima maging ang mga suspek na nakataks matapos ang insidente.
