Davao del Sur – Kahadlok, kakuyaw ug kasubo ang gibati sa mga taga-Matan-ao, Davao del Sur sa walay undang nga afteshocks nga nasinatian human sa Magnitude 6.9 nga linog alas-2:11 sa hapon niadtong domingo. Daghang mga balay ang nangaguba sa Purok Mahayahay, Barangay Poblacion NHA ug na-displaced ang dul-an 300 ka mga pamilya sa maong lugar.
Emosyunal nga gisaysay ni Milagros Capa ang iyahang kaagi atol sa kusog nga linog. Nagkapangos-pangos pa kini sa pirteng panghawid atol sa linog.
Human sa linog niadtong Oktobre wala pa gayod sila makabangon ug karon dili na gayud mapuy-an ang ilang balay tungod sa grabing kadaot. Tungod niini nangayu sila ug tabang sama sa tubig mainom, pagkaon ug trapal nga ilang magamit aron kapuy-an.
RadyoMaN Aimee Guinita
