Pontevedra, Capiz- Kabug-osan nga lima ka mga poluy-an ang natigayon nga lamunon sang kalayo ala 1:10 kahapon sang hapon sa Brgy. Ilaya, Pontevedra, Capiz.
Ang mga ini ang ginapanag-iyahan nanday Mario Balasa, Franklyn Catalan, Marcelino Batuigas Sr., Frances Catalan kag Yolanie Bonite.
Base sa inisyal nga imbestigasyon, naghalin ang kalayo sa poluy-an sang pamilya Bonite kag madasig nga naglaton sa mga kahilapit nga poluy-an.
Nahibaluan nga wala sa gihapon sang supply sang kuryente sa nasambitan nga lugar. Ginapatihan nga halin sa napabay-an nga kalayo ang ginhalinan sang sunog.
Sa subong padayon pa ang imbestigasyon sang nga katapo sang BFP- Pontevedra samtang ginabanta nga masobra sa 1- million pesos ang kabug-osan nga halit sang sunog.
