Nagasugod na subong nga adlaw, Mayo 20 ang 2019 Brigada Eskwela sang Department of Education (DepEd) kag magatapos tubtob Mayo 25.
Ini ang may tema nga “Matatag na Bayan para sa Maunlad na Paaralan.”
Ang Brigada Eskwela ginakabig man nga National Schools Maintenance Week sa diin katuyuan sini nga matipon ang mga manunudlo, estudyante kag iban pa nga stakeholders agud magbuligay sa pagpaninlo, pagkay-o kag pagpanghanda sa mga public school facilities para sa pagbukas sang klase sa Hunyo.
Sa Iloilo City, nagpahayag na sang kahandaan ang Iloilo City Police Office ukon ICPO agud maghatag sang serbisyo sa mga eskwelahan.
Magabulig ang ICPO sa paghatag seguridad sa mga manunudlo, estudyante kag ginikanan nga magabalik sa eskwelahan lakip na ang pagbulig sa pagpaninlo kag pagkay-o sang mga guba nga lamesa, pulungku-an kag iban pa kon kinahanglanon.
Photo from web
