Davao City – Nasunog ang ikaduhang andana sa usa ka paanakan nga nahimutang sa may Durian St. Ulha Village Ulas ning syudad bandang ala 1 pasado ganinang hapon.
Ang maong building ginapuy-an ni Febe Santos Russina kinsa tag iya sa maong maternity clinic.
Sumala ni SFO Marvin Avellino, nagsugo ang sunog sa kwarto nga ginatulogan ni Samson Desierto ug napasagdan nga electric fan ang ginatan-aw nga hinungdan sa maong insidente.
Matod pa adunay duha ka mga pasyente nga nanganak sa maong clinic apan gumikan konkreto ang gambalay wala na mikanit ang kalayo ug dali ra usab nga nakagawas ang mga tawo nga anaa sa sulod.
Mideklara og fire out ang kabumberohan pasado alas dos sa kahaponon.
Gibana banaang anaa sa 60,000 ka pesos ang nahimong damyos sa maong sunog.
RadyoMaN Paul Canono
