Davao City – Wala nay aktibong kaso sa COVID-19 ang Mati City, Davao Oriental subay sa datos sa December 20, 2021.
Gideklarang nakarekober na sa balatian nga COVID-19 ang pinakaulahing pasyente kagahapong adlawa.
Sumala sa Mati City CIO musumada sa 2,992 ang kumpirmadong kaso sa Mati, 2891 ang naayo ug 101 ang total death toll.
Kahinumduman nga nag-zeo active case usab ang syudad niadtong Disyembre 9, 2020.
Bisan pa man nga walay kaso na sa COVID-19 ang lugar striktong gipatuman ang City Ordinance N0. 427 or the Disiplina Panahon sa Pandemya Ordinance diin kinahanglan nga musunod ang publiko sa minimum public health standards — pagsuot og FACE MASK, kanunay nga pagpanghunaw sa kamot, pagpalayo sa ubang mga tawo sa pampublikong lugar, paglikay sa mass gathering ug pagpabakuna konta COVID-19 lakip na mga bisita sa Mati.
Gipahibali sa CIO Mati nga anaa nalang sa 25,730 ka mga residente Mati ang wala na lang mabakunahi aron makab-oy ang target sa ilahang populasyon nga 107,442 para sa herd immunity.
RadyoMaN Aimee Guinita
