Davao City – Ginaimbestigahan karon sa kapulisan human nga posibleng naalaan lang ang usa ka retiradong pulis nga nabiktima sa pagbusikad sa Improvised Explosive Device kun IED alas 2 sa hapon niadtong miaging adlawa nga nahitabo sa Sitio *Catmonan**, **Brgy**.**Macambol**,* Mati City, Davao Oriental.
Sumala ni Police Regional Office kun PRO XI spokesperson PCI Milgrace Driz, ginalantaw karon nga mistaken identity ang pagpunterya sa biktimang si Ferdinand Mabandos sakay sa iyahang Izuzu elf nga miagi sa nasangpit nga area ug gipabuthan og IED diin giingong kapareha niini ang iyang gidrayban nga Izuzu truck sa miaging sakyanan sa Department of Environment and Natural Resources (DENR)
Una ng gireport nga wala ra naigo sa mga shrapnels ang biktima ug naka-drive pa kini palayo sa incident area.
Saysay ni Driz nga 30 minuto o usa ka oras ayha nahitabo ang pagbusikad, miagi ang Izuzu truck sa DENR ug mga sundalo diin ginapakusgan nila ang kampanya batok illegal logging sa lugar gani adunay nay mga nadakpan nga illegal loggers.
Sa karon, ginapalawman sa kapulisan ang imbestigasyon sa maong insidente.
Kahinumduman nga human sa panghitabo, misakay og bangka ang tulo ka mga armadong lalaki dala ang mga taas nga matang sa armas padulong sa Barangay Lawigan.
RadyoMaN Renz Barbarona
