Sumala ni Deputy Mayor Guinto Jr. nga dili pangayaw batok sa kapulisan sa Calinan ang gihimo sa tribong Matigsalug isip panimalos tungod kay adunay mga membro sa tribo nga gipangdakop sa Calinan PNP nga maoy gitudlong suspek sa paglugos ug pagpatay kang Archt Bragas.
Matud ni Guinto nga kun ibase sa imbestigasyon sa kapulisan usa lamang ka isolated case ang nahitabo sa Barangay Lacson tali sa tribong Matigsalug ug sa mga sakop sa Calinan PNP diin miresulta sa kamatayon sa duha ka pulis ug usa ka membro sa tribo.
Gidugang sa Deputy Mayor nga daghang nangamatay nga lider sa tribong Matigsalug apan wala mutugot ang mga tribal leader nga malusad ug pangayaw tungod kay dili na nila buot madungagan pa ang kasamok sa ikatulong distrito diin ang tribo maoy nasakripisyo.
RadyoMaN Erin Lumosbog
