Matina Aplaya Crash: 1 patay

114

Davao City – Dead on the spot ang usa ka motorista human kini mi-overtake sa usa ka dump truck sa Matina Aplaya ning syudad sa Davao alas-3:40 karong hapon.

Sa pakighinabi sa DXDC RMN Davao kang Police Captain Victor Matindang, Talomo PNP, giila niini ang biktima ug driver sa motorsiklo nga si Romel Ipil Rosales, 25-anyos, minyo ug residente sa Saavedra, Catalunan Grande human kini mi-overtake sa gimanehong dump truck ni Delmark Sami, minyo, 41-anyos taga Riverside, Calinan, Davao City.


Saysay ni Matindang subay usab sa pagpanubay sa ilang traffic investigator nga nagbiyahe ang duha ka sakyanan sa Matina Pangi road padulong sa Matina Crossing, Davao City. Diin misulay pag-overtake ang motor nga gimaneho ni Rosales apan naalanganin kini hinungdan nga miigo kini sa likod nga bahin sa truck ug gikaon sa ligid sa maong sakyanan.

“Ni-ovetake ni siya unya naalanganin pag overtake, naigo sa tapaludo sa mura’g.. ligid sa likod, na out balance, natumba, gikaon sa ligid, nalatayan sa ligid,” saysay ni Matindang.

Sa pagkakaron, gikustodiya na sa Talomo PNP ang driver sa maong dumpt truck. Samtang, subli usab nga nagpahimango ang Talomo PNP nga maghinay-hinay sa pagmaneho diha sa kadalanan.

“Dapat mga ingon ani nga sitwasyon, maghinay-hinay lang gyud ta’g padagan,” tambag ni Matindang.

RadyoMaN Kirby Manzon

Facebook Comments

From Advertisers