Davao City – Misulod sa mga balay ug pipila ka mga establishmento ang tubig baha niadtong Sabado sa gabii tungod sa kusog nga bundak sa ulan nga milungtad sa pipila mga oras.
Ang sentro sa Barangay Matina Aplaya ug pipila ka mga lugar sa Barangay Matina Crossing diin usa ka signage sa usa ka Bake shoppe ang natumba, samtang paspas usab ang pagtaas sa tubig sa Talisay Times Beach ning syudad tungod kay high tide wala ma- okupar sa sewage system hinungdang mi-apaw ug nipaingon sa kalsada ug nisulod sa kabalayan nga anaa sa below sea level area.
Hinoon daling miubos ang level sa tubig sa dihang nihunas usab ang dagat.
Tungod niini ginasuta pa sa City Disaster Risk Reduction Management Office (CDRRMO) ang nahimong danyos sa maong insidente.
RadyoMaN Paul Canono
