Davao City – Naugdaw ang anaa sa 13 ka mga panimalay sa miulbong sunog sa Purok 9-A, Km. 8.5, Matina Pangi, ning siyudad kagahapon, Pebrero 3, 2020.
Subay sa inbestigasyon sa Talomo Fire Station, nagsumikad ang sunog gikan sa panimalay sa usa ka Suzzete Dulota ug paspas kining mikuyanap sa mga kasikbit nga mga balay.
Dugang sa report nga anaa sa 300,000 pesos ang damyos ug padayun pang gisusi sa mga inbestigador og unsa ang hinungdan sa pag-ulbo sa kalayo.
Subay niini, usa ka Jenerose Caburnay Matsul, 32 anyos, minyo ang nagpatala sa kapolisan tungod kay naapil og kasunog ang iyang salapi nga tinigom sulod sa ilang balay nga nag kantidad og 250,000 pesos ug mga kagamitan.
Hinuon walay natalang major injuries sa maong insidente.
Samtang ang City Social Services Development Office (CSSDO) karon nagpadayon sa ilang validation alang sa paghatag og assistance sa mga nasunogan gikan sa lokal nga panggamhanan ning syudad sa Davao.
RadyoMaN Paul Canono
