Pinag-iingat pa ng PAGASA-DOST ang publiko dahil makakaranas pa rin ng matinding init ng panahon sa ilang lugar sa bansa.
Ayon sa 5-day forecast ng PAGASA, papalo sa 23° celsius ang heat index o init na nararamdaman ng katawan ng isang tao sa Baguio City habang 38° celsius naman sa Cotabato.
Samantala, inaasahang papalo sa 56° celsius ang heat index sa Catbalogan City, sa Samar bukas, bago bahagyang bumaba sa 51° celsius sa miyerkules.
Kahapon, naitala ang 46° celsius na heat index sa Legazpi City na pinakamainit sa bansa habang 24° celsius naman sa Baguio City.
Kahit mainit, ilang lugar naman sa bansa ang uulanin dahil sa easterlies at localized thunderstorms kabilang na dito sa Metro Manila.
Facebook Comments
