CAUAYAN CITY – PATULOY ANG PAHIRAP SA MGA ESTUDYANTE NG CAUAYAN CITY DAHIL SA MABIGAT NA DALOY NG TRAPIKO SA MGA PANGUNAHING KALSADA, PARTIKULAR SA KAHABAAN NG F.N. DY BOULEVARD.
SA PANAYAM NG 98.5 IFM CAUAYAN KAY MARK NOWEL ALVAREZ, POLITICAL SCIENCE STUDENT, IKINWENTO NIYANG KAHIT MAAGA SIYANG NAGHAHANDA PARA SA PAGPASOK, NAAANTALA PA RIN ANG KANYANG PAGDATING ON-TIME DAHIL SA TRAPIK.
DAGDAG PAHIRAP PA ANIYA ANG MGA KASALUKUYANG GINAGAWANG KALSADA NA SUMASAKOP SA ILANG BAHAGI NG MGA PANGUNAHING LANSANGAN, DAHILAN UPANG LALO PANG BUMAGAL ANG BIYAHE TUWING RUSH HOUR.
PANUORIN ANG KANYANG NAGING PAHAYAG: CLICK HERE!
SAMANTALA, SA NAKARAANG POST NG 98.5 IFM CAUAYAN SA FACEBOOK HINGGIL SA MATINDING TRAPIKO SA NATURANG BOULEVARD, ISA SA MGA PINAKA-MADALAS NA SUHESTIYON NG MGA NETIZENS AY ANG PAGPAPABILIS NG DEPARTMENT OF PUBLIC WORKS AND HIGHWAYS (DPWH) AT NG LOKAL NA PAMAHALAAN SA PAGGAWA NG MGA BYPASS ROAD.
AYON SA KANILA, KUNG MAISASAKATUPARAN AGAD ITO, MABABAWASAN ANG MGA MALALAKING TRUCK AT TRAILER NA DUMADAAN SA SENTRO NG LUNGSOD, NA ISA RING PANGUNAHING SANHI NG TRAPIK.
SA KASALUKUYAN AY PATULOY NA NAKIKIPAG-UGNAYAN ANG 98.5 IFM CAUAYAN SA CITY GOVERNMENT OF CAUAYAN PARA MAKUHA ANG KANILANG PANIG HINGGIL SA ISYU NG TRAFFIC AT NAANTALANG BYPASS ROAD.
