Maulaw ug Uli sa Pamilya sa Pilipinas tungod kay naa nay Bag-ong Pamilya sa Abroad!

12

i CONFESSIONS FEATURED STORY
Dear Mikee Gua
Maayong gabie sa imuha ug sa tanang tigpaminaw sa programang i Confessions dagkong problema ang gaabot sa akong kinabuhi karun Mikee pero dako ko og pagtuo sa Ginuo.
Mikee tawaga lang ko sa pangalan nga Anggie, 46 years old na.
Ang akong bana toa sa abroad nagtrabaho ug igo ra siyang nag support namo kay makauli siya tinuig.
Bisan sa uyab pa mi nakabalo na gyud ko daan sa iyahang style nga mahiligon kaayo siya’s mga babae. Pero nagtuo kong mausab ra siya mao nga ako siyang gidawat pag propose niya sa akoa. Wa ko magduha-duha kay love nako siya…….
Pero nasayop ko diay ko Mikee Gua.
Adtong nakaanak na mi og tulo , nilarga siya aron kuno mahatagan mi og maayong ugma ang among mga anak kay lisod kaayo nga manrabaho-an daw diri sa Pilipinas ilabi na ug igo igo ra ang sweldo.
Busa nisugot ra ko kay nagtuo kong makatabang gayud sa among mga panginahanglan kung mag abroad siya ilabina kay adtong gagmay pa ug gaeskwela ang mga bata maglisod gyud ko.
Karon nga guwang na mi, sige ra gihapon siya sa abroad.Dagko na ang among mga anak ang uban duha human na sa ilahang pag eskwela ug ang isa mu graduatay na pod sa iyahang kursong engineering.
Nahibal-an na lang naku Mikee nga mao diay nga ganahan siyag balik balik sa abroad tungod kay naa siya laing pamilya na didto. Duha na ang ilang anak sa babaye ug kasado sila.
Nakahibawo ko tungod kay ang babaye ang ni chat nako ug ni email sa pictures. Mao diay nga tag-usa ka buwan ra siya mopuyo sa amoa unya molarga dayon. Unsaon, siguro tungod kay gusto niyag laing lahi kay puti.
Pagkahibawo nako way kabutangan ang akong kasuko ug kahiubos niya. Ako siyang gipapauli pero wa siya mosugot kay di pa siya ready.
Akong gisultihan ang among mga anak kay dagko na man, makasabot na bahin ani. Kon unsa ko kasuko, mao sab sila. Karon, nasuko ang akong bana nganong nagpahibawo ko sa among mga anak.
Di na kuno siya mopauli sa amoa kay mauwaw siya nga moatubang sa among mga anak.
Mikee wa ko magsalig niya kay naa man koy maayong work ug ginagmay nga negusyo human sa taas nga panahon nga iyang pag pangabroad ako gyung ga ayuhon ug atiman ang mga bata ug ang sapi nga sobra nga iyahang mahatag ako ning gi pundar para sa negosyo ug ang napalambo kalooy sa Ginoo.
Ang ako lang unta magprangkahay ming duha ug mag estorya sa maayo kon unsa may among sitwasyon.Sakto ba nga ako na ning gisulti sa akong mga anak ang iyahang gibuhat.? Unsa kaha kon ako ang molupad aron ako siyang komprontahon didto sa abroad? Maayo kaha? Please HELP ME.
ANGGIE

Facebook Comments