Sa interbyu sa DXDC RMN Davao kang Roel Gelicame, head sa Mawab Municipal Disaster Risk Reduction and Management Office (MDRRMO), gibutyag niini nga residential ug commercial area ang nasunog ug tungod sa kadako sa sunog, nitabang na usab og responde ang ubang kabomberohan gawas sa munisipalidad.
“Ubay-ubay gyud ka mga fire truck and niresponde, nitabang diri sa amo, (ang) Nabunturan, Tagum ug Montevista,” butyag ni Gelicame.
Gibutyag ni Gelicame, walay natalang injured gawas lang sa usa ka bombero nga na- suffocate apan gilayong natabangan.
Samtang, dali usab nga gi-evacuate sa Mawab gymnasium ang mga apektadong residente ug gitunolan og pasiunang ayuda.
Padayong pang gina-imbestigahan ang hinungdan ug ang kinatibuk-ang damyos sa sunog.
RadyoMaN Kirby Manzon
