Davao City – Kumpleto ug andam na alang sa distribusyon ang mga balota atol sa umaabot nga Barangay ug Sangguniang Kabataan (SK) Election 2018.
Kini maoy gibutyag ni City Treasurer’s Office (CTO) representative to COMELEC Gerard Aranguso atol sa iSpeak Forum nga gipahigayon karong adlawa.
Segun ni Anguso, safety na ang 2, 773 ka mga ballot boxes sa ilang bodega nga nahimutang sa SIR Matina.
Sa ilang datos, adunay 1, 081 ka mga balota sa unang distrito, 873 sa ikaduhang distrito samtang 789 sa ikatulong distrito.
Giklaro sa CTO representative, adunay serial numbers ang matag ballot boxes aron sa panahon nga magka-aberya dali nila kining ma-identipika.
Giseguro ni Anguso nga adunay presensya sa kapulisan atol sa paghatod sa mga ballot boxes ngadto sa mga nagkadaying polling precints ilabi na sa mga hilit nga dapit.
RadyoMaN Jason Amisola
