Davao City – Nagprepara na ang Commission on Elections (COMELEC) Davao Region sa May 2022 nga eleksyon.
Sa interbyu sa RMN Davao kang COMELEC XI spokesperson Atty. Krisna Samantha Caballero, gitahasan na sila nga susihon ang mga voting centers o precincts sa mga kinahanglang ikonsidera ilawom sa ‘new normal’ nunot sa COVID-19.
“COMELEC En Banc sa taas I think they are already planning and they are already been studying with the possibility especially na kung dili pa gyud mugawas ang vaccine for this virus. Dili basta-basta nato makansela kini nga election, dili man gud ni siya barangay. This is mandated by the constitution and dili ni siya basta-basta nga ma-move nimo o ma-suspend nimo,”
Gibutyag ni Caballero usa sa mga hagit sa pagkakaron ang limitado nga movement tungod sa curfew ug dili susama kaniadto nga ciento por ciento ilahang mga personahe ma-deploy tungod sa health considerations.
Samtang, striktong ginapatuman sa COMELEC Davao ang health measures ngadto sa tanang mukuha og voter’s certification.
Parte sa new normal procedures, walay matugutang musulod sa mga opisina ug window transactions lamang, no mask no transaction ug kinahanglang iobserba ang proper social distancing.
RadyoMaN Aimee Guinita
