Roxas City, Capiz- Ginkaalarma sang mismo tagbalay mga alas 3 sang kaaganhon sang nabatyagan nga may yara sang nagatuga sang gahod sa sulod sang ila poluy-an sa Sitio Tabuc, Brgy. San Jose Roxas City.
Suno sa biktima nga ginkilala kay Emmanuel Obsequio y Cordova,44-anyos nakabugtaw ang anak sini nga si “Irish” sang nakabati sang lagubo sa kusina nga porsyon sang ila poluy-an.
Ginkasurprisa sini sang nakit-an ang suspek nga ginkilala kay Angelo Abenda y Cabantugan,18-anyos sang nasambitan nga lugar.
Mas labi pa nga ginkakibot sang biktima nga wala sang panapton kag naka-brief lamang ang amo nga hubog nga suspek.
Bangod nga nabulabog ang mga tawo sa balay matapos nga nagsinggitan ang anak sini, madasig nga nagpalagyo ang suspetsado nga nag-agi sa pwertahan sa ila kusina.
Nagaguha sa imbestigasyon sang mga kapulisan nga ginsamad pa sang suspek ang kudal nga butong antes ini nagsulod sa poluy-an sang mga biktima.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
