Cuartero, Capiz- Wala pa sang lead ang mga kapulisan sang Cuartero PNP sa mga suspek nga nagpaarak sang luthang kay Agdahon Punong Barangay–elect Francisco Degara Sr. kag sa kaupdanan sini.
Maswerte naman nga wala ini mapilasan ukon maigo samtang gamay nga pilas sa tiil ang naangkon sang upod sini nga sanday Joemer Bustamante kag Daniel Umargas.
Suno kay PO3 Dayalo sang Cuartero PNP, gindul-ong nanday Bustamante kag Umargas si Degara padulong sa poluy-an sini sang sila ang nakabati sang asud-asod nga nilupok sang armasluthang gani nga sila ang nagkamang agod nga makapanago rason nga nagkalasamad ang ila tiil kag tuhod.
Nakarekober naman ang mga kapulisan sang madamo nga baseyo sang M-16 armalite riffle sa lugar sang insidente.
Nahibaloan nga antes pa man sini may yara na sang nababaton nga pamahog ang biktima kag ini amo na ang ikaduha ka beses nga gintuyo ang kabuhi sini.
Sa madumdoman nga sang nakaligad nga sang Disyembre 2017, gin-ambush man ang grupo nanday Degara samtang ang mga ini ang nagasakay sa multicab nga ginkamatay sang anak sini nga si Francisco Degara Jr.
*tags:Visayas,Roxas,DYVR,DYVR657,Capiz,Degara,Agdahon Cuartero,ambush,death threat*
