BACOLOD CITY – Padayon pa karon nga ginahibalo ang identity sang isa ka lalaki nga ginapatihan may deperensa sa paminson nga napatay matapos nga nabunggu-an sang isa ka salakyan nga pick-up.
Ang insidente ang natabu Domingo sang kaagahon sa area sang Bata fly-over sa atubang sang Ceres North Terminal.
Ang biktima ang nagapabilin naman nga wala sang identity kag gina-bulubanta nga 20 anyus kag naga-suksok sang violet nga bayo sang natabu ang insidente.
Samtang, ang driver naman sang pick ang nakilala sa kay Harley Dwaine Cupang, 26 anyos kag isa ka call center agent.
Suno sa Police Station 3, nga manugpadulong sa syudad sang Talisay si Cupang sang gulpi lang nga nagtabok ang biktima rason nga wala niya ini natalupangdan, rason nga iya gid ini nabunggu-an.
Bangud sang impact, nagtabog ang biktima kag ginbawi-an ini sang kabuhi./dyHB BACOLOD
