Ikinasal na sa wakas ang long-time couple na sina Iza Calzado at Ben Wintle.
Isang beach wedding ang kanilang kasal na ginanap sa Club Paradise Resort sa Coron, Palawan kahapon.
Sa isang video na ipinost ng isa sa kanyang mga kaibigan, halatang excited ang groom sa kanyang first look sa kanyang bride.
Lumakad si Iza sa isang aisle na puno ng flowers sa beach.
Dahil sumakabilang buhay na ang ama ni Iza, ang kanyang kapatid na si Dash Calzado ang nag-escort sa kanya.
Sa haba ng hinintay nila bago lumagay sa tahimik, naging madamdamin ang kanilang wedding vows sa isa’t isa.
Taong 2011 unang nakilala ni Iza si Ben sa isang magazine event.
Facebook Comments
