Sapian, Capiz- Padayon nga gina-imbestigahan sang Sapian PNP kun may yara sang foul play sa kamatayon sang isa ka persona nga nakit-an nga patay sa irigasyon sang punong sa Brgy. Lonoy sa nasambitan nga banwa alas 10 sang aga.
Ginkilala ang biktima kay George Espinase y Encarnacion, 58-anyos sang Mambuquiao Batan Aklan.
Base sa imbestigasyon sang mga kapulisan nga sang nakaligad nga Hulyo 16, nag-inum pa ang amu nga biktima sa poluy-an sang isa sini ka abyan.
Apang ulihi na lamang nasapwan ang bangkay sini nga nagalutaw na sa irigasyon sang punong.
Ginapatihan nga posible nadanlog sa pilapil ang hubog nga biktima kag ini ang nahulog sa tubig kabangdanan sang iya kamatayon. Samtang wala pa ginadula sang kapulisan ang posibilidad nga may yara sang foul play sa kamatayon sini.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
