*Roxas City, Capiz- Isa ka election protest para sa pagpa-recount ang ginfile sang nalutos nga si Freche Doroteo batok kay Barangay Chairman-elect Lorilee Aguirre sang Barangay V, Roxas City.*
*Ini ang angot sa petisyon ni Doroteo nga may yara sang dinayaan kag iregularidad nga natabo sa Precinct # 0023-A kag Precinct # 0024-A sa nasambitan nga barangay.*
*Partikular sini nga gintumod amo ang kadulaan sang watchers samtang ginapatigayon sang Board of Election Inspector(BIE) ang canvassing sang boto.*
*Sa 31 nga abanse ni Doroteo sa tanan nga presinto, nakibot na lamang ini nga gulpi nag-abanse si Aguirre kag nagdaog pinaage sa lima ka boto.*
*Si Aguirre ang nakakuha sang kabug-osan nga 369 ka boto.*
*Kon mahibaloan nga una nga gin-grant sang korte ang pagdihon sang motion for reconsideration sang kampo ni Aguirre rasun kon ngaa liwat nga magapatigayon sang preliminary hearing ang korte sa palaaboton nga Hunyo 20.*
*Sang ginkuhaan sang pahayag, ginsiling ni Barangay Chairman-elect Lorilee Aguirre nga nakahanda ini nga magkooperar sa recount sa isa ka ballot box sa nasambitan nga barangay.*
*Hugot ang pagpati si Aguirre nga abante siya sa ginpatigayon nga eleksyon kag ginpanindogan sini nga wala sang iregularidad sa amo nga piniliay sa Rufina Andrada Santos Memorial School** bangod ginsaksihan man ini sang madamo nga tawo.*
***(photo)**- Election Correspondent Niña Ropa*
