May kasong frustrated murder-signit

79

General Santos City—sikop sa hiniusang pwersa sa Criminal Investigation and detection Group (CIDG) Regional Office 12, Sarangani Police office ug Lagao Police Station ang usa ka wanted nga dunay kasong Frustrated murder sa area sa Yumang St., Barangay San Isidro ning dakbayan sa Gensan.

Suspek nailhang si Ryan Castor, Alias Tata, residenti sa Carcon Vill., Sitio Toning Part-2 Barangay Lagao ning dakbayan.

Alas 10:00 ang takna sa buntag July 10, 2017, dihang gihimo ang operasyon batok sa suspetsado pinasikad sa warrant of arrest sa kasong Frustrated Murder nga dunay criminal Case no. 21160 nga una nang gipagula ni Hon. Judge Panambulan Mimbiza sa RTC Branch 37.


Pyansang girekomenda sa korte sa kaso sa suspek mukabat sa P200,000.00. wala na mipalag ang suspek dihang gipakita ngadto kaniya ang warrant of arrest sa kasong iyang giatubang.

Sa kasamtangan ang suspek anaa na sa silda sa kapulisan ug commitment order nalang ang gipaabot aron nga mabalhin na kini sa Lanton Reformatory Center.

Facebook Comments