General Santos City–Malampusong nasikop sa personahe sa Police Station 8 ang wanted nga si Larry Pinagunda hamtong ang panuigon ug nanimuyo sa purok 4, Barangay Kawas Alabel. Sarangani Province human ang pila ka tuig nga pag gukod niini tungod sa kasong frustrated murder.
Sumala pa ni PCI Ruelito Lumiguid ang hepe sa Police Station 8, nasikop ang nasangpit alas 3.00 ang takna sa hapon sa round ball sa Brgy Lagao ning syudad samtang naga pamasada kini ug traysikad.
Dugang pa ni PCI Lumiguid nga tuig 2015 pa ang kaso niini ug nag tago-tago kini.
Dugay na usab nga gina casing sa kapulisan ang nasangpit ngadto sa iyang panimalay apan dili nila maaktuhan tungod kay ilahang nasayran nga matag gabie lang kini gauli. (Kasamang Dave Silagan)
Facebook Comments
