Roxas City, Capiz- Hugot nga ginpanginwala ni Mayor Leodegario “Jun” Labao nga ginbastos sini ang teen actress nga si Ella Cruz sang ini ang nagbisita sa Mambusao sang nakaligad nga Nobyembre 10, 2018.
Sa pihak sini aminado si Labao nga naghalok man gid siya kay Ella Cruz pero wala sang lagpok kag sa cheek gid lang nga porsyon.
Gin-athag sini nga wala sang malisya ang amo nga halok. Una si Cruz nga naglisensiya nga ini mahalok sa kay Labao apang nag-insister na lamang ini nga siya ang mahalok sa aktres bilang pagrespetar.
Wala man ini sang ideya nga artista gali si Cruz sang sila ang nagkit-anay sa Roxas City Airport sang nakaligad nga Nobyembre 10, 2018.
Ginpunto ni Labao nga ginarespeto niya ang mga babaye kag casual na sa iya nga siya lamang ang ginahalokan sang mga ini.
Sa ulihi, ginpanindogan ni Mayor Jun Labao nga indi siya “maniac”, “indi siya makawat”, Mambusaonon lamang ini.
